RiddleR’s Articles – smart solutions, thoughts │ مقالات ريدلر – حلولا ذكية، خواطر

كنت قلتلكم قبل كده إني رايح أكشف عند الدكتور، والحمد لله رحت لكن بعد عذاااااااااااااااااب

أولاً: الميني باص خد ساعة وربع من الحي السابع للمطرية – قال ايه؟ عشان المدارس

ثانيًا: حتى لما وصلت لقيت ماما اتركنت ساعتين ونص في المستشفى مستنية حضرتي، عشان حبت أنها تتطمن عليا

ثالثًا كنت هتخانق مع الممرضة

معلهش استحملوني

المهم وصلت بالسلامة، ودخلت للدكتور سألني انت بتشتكي من ايه؟

- على فكرة لما دخلت له كان شكله يضحك، عشان مركب بتاعة على راسه، تقريبًا لفحص قاع العين -

المهم قلتله اني بقعد ع الكمبيوتر من 10 لـ 12 ساعة ف اليوم – طبعاً كدب، أنا بقعد من 15 لـ 18 ساعة والله

و إن عيني الشمال ابتدت توجعني من أسبوعين – و بحس انها مرهقة دايما

كان نفسه يقوللي : جاي على نفسك ليه، ما كنت استنيت لما تتعمي

قام عملى قياس نظر – و الحمد لله – لقاه 6 على 6، بالنسبة لى ديه مشكلة لأني كنت 6 على 6 شارب يعني حاد أيام ثانوي – منه لله الكمبيوتر. فقاللي أنت نظرك كويس بس هتعمل نظارة حفظ نظر عشان لما تقعد ع الكمبيوتر

بصراحة انا مش عارف اعمل ايه، انا عمري ما لبست نضارة – ولا حتى شمس – لأنهم مش بيليقوا على وشي

بس شكلي هضطر أعملها إذعانا للوالدة – و مش هلبسها غير ع الكمبيوتر

…………………………….

الله يسلمكوا يا جماعة

تصبحوا على خير